Брачен пар кој го загуби своето бебе нуди бесплатен оброк за секоја трудница во својот ресторан: Мјев и Патрик болката ја претворија во помош за другите

Добивај вести на Viber

Во срцето на ирскиот град Голвеј, на тивката улица „Сент Бриџит Лејн“, се наоѓа мал семеен ресторан со необично име – „The Willow Spoon“. 

На прв поглед, изгледа како уште едно топло, домашно место со камин, дрвени маси и мирис на свеж леб. Но, она што го издвојува овој ресторан од сите други е една исклучителна традиција која веќе со месеци го трогнува локалното население – секојдневно, секоја трудница што ќе стане гостин добива бесплатен, топол оброк.

Идејата започнала од сопствениците, брачниот пар Мејв и Патрик О’Саливан. По неуспешната бременост што ја доживеале минатата година, тие посакале да направат нешто што ќе остави позитивен белег во заедницата. 

„Сакавме да покажеме грижа и поддршка за секоја жена која го носи најголемиот подарок – нов живот,“ раскажува Мејв. „Трудниците заслужуваат почит, внимание и добар оброк.“

Секој ден, без оглед на сезоната или бројот на гости, трудниците можат да изберат бесплатен ручек или вечера од посебното мени: крем супа од морков и ѓумбир, пастрма со печен компир и зеленчук, традиционална ирска чорба-стју, или свежа салата со авокадо. 

На крајот секогаш се нуди и десерт – најчесто чоколадна торта кој е најпопуларен меѓу трудниците.

Заедницата во Голвеј со воодушевување ја прифатила иницијативата. Социјалните мрежи се полни со сведоштва од идни мајки кои се чувствувале почитувани, утешени и охрабрени. Некои велат дека токму таму првпат почувствувале вистинска поддршка во бременоста.

И додека многу ресторани низ Европа се борат со трошоци и конкуренција, „The Willow Spoon“ докажува дека понекогаш најголемиот успех не се брои во евра – туку во човечност.