„Четири дена слушал како била тепана и силувана од Пи Диди“: Поради овие зборови Кеси Вентура го има најдобриот сопруг на светот!

Добивај вести на Viber

Во поодмината бременост, пејачката која помина 11 години покрај Пи Деди мораше да седи во судницата и детално да зборува за ужасот што го доживеа. Нејзиниот сопруг е со неа уште од почетокот на болниот процес, а сега даде трогателна изјава.

Судењето на Шон Комбс, хип-хоп ѕвездата попознат по неговото уметничко име П. Диди, започна, а првите четири дена во судницата беа обележани со шокантното сведочење на Касандра Кеси Вентура, која беше во врска со него 11 години.

Пејачката беше првата што поднесе тужба против Комбс, а нејзиното признание ја отвори Пандорината кутија, што доведе до стотици застрашувачки обвинувања против раперот. Силување, вознемирување, злоупотреба и подведување се само дел од дејствијата за кои е обвинет, а меѓу наводните жртви има дури и малолетници.

Кеси Вентура, која моментално е во поодмината бременост, трпеливо одговараше со денови на прашања за тоа како Диди ја тепал, ја силувал, ја бркал, ја заплашувал, ја принудувал на врски со сексуални работнички и оргии...

По четири дена судење, зборуваше нејзиниот сопруг Алекс Фајн, кој беше со неа во овие тешки времиња, од покренување на случајот против Шон Комбс, преку вонсудската спогодба, па сè до нејзиното сведочење за време на судењето на раперот за трговија со луѓе.

Сопругот на Кеси Вентура им рекол на Пи Диди и на сите што му помагале да ги изврши своите злосторства во текот на годините, дека не успеале да ја скршат неговата сопруга.

– Не. Не ѝ го скрши духот, ниту нејзината насмевка, која ја осветлува секоја соба - Фајн негираше.

Тој одговори и на прашање кое деновиве кружat на социјалните мрежи - како се чувствувал сопругот на Кеси додека ја слушал нејзината ужасна исповед за 11-те морничави години со Комбс.

- Чувствував толку многу седејќи таму. Чувствував огромна гордост и огромна љубов кон Кес. Чувствував огромен гнев што мораше да седи пред лицето кое се обиде да ја скрши - вели Фајн.

- Јас не ја спасив Кеси, како што некои рекоа. Да се ​​каже тоа е навреда за годините макотрпна работа што мојата сопруга ги вложи за да се спаси себеси. Кеси ја спаси Кеси - истакнува тој. - Таа се ослободи од злоупотреба, принуда, насилство и закани. Таа се бореше со демони што самиот демон можеше да ѝ ги испрати. Ја сакав само колку што таа ме сакаше мене.

Алекс Фајн и Кеси Вентура се во брак од 2019 година и имаат две ќерки заедно, а трето дете е на пат. Откако пејачката проговори за сè низ што поминала за време на врската со Пи Диди, нејзините обожаватели го фалат нејзиниот сопруг што е тука за неа.

Кратко откако CNN објави вознемирувачка снимка од 2016 година минатата година, на која се гледа како Диди безмилосно ја тепа и клоца Кеси, Фајн сподели порака на Инстаграм дека „мажите што удираат жени не се мажи“.

Во 2019 година, тој истрча маратон за да ја подигне свеста за семејното насилство, а деновиве на социјалните мрежи кружи видео од Кеси и неговата емотивна прегратка откако Алекс ја помина целната линија.

„По сè низ што помина, Кеси заслужува ваков маж“, „Таа го има најдобриот сопруг на светот“, „Тоа е вистински маж“, „Сите сопрузи на светот, да учат од Алекс Фајн“... се коментарите на социјалната мрежа X по неговата објава.