„Читањето е повторно во мода“: Еве кои книги ги препорачуваат познатите за ова лето
Читањето повторно е во мода, а за тоа голем придонес имаат славните личности кои преку своите книжевни клубови инспирираат милиони следбеници.
Од Опра Винфри до Дуа Липа, август 2025 носи нови наслови што ветуваат емоции, инспирација и незаборавни приказни.
Џена Буш Хагер во рамки на клубот Read with Jenna го избра романот „My Other Heart“ на Ема Нанами Стренер, оценет со 3,92/5 на Goodreads.
Приказната се движи меѓу Пенсилванија и Јапонија, следејќи мајка разделена од ќерка и две пријателки кои го бараат своето место во светот.
Дакота Џонсон преку својот TeaTime Book Club го препорачува дебитантскиот зборник „Make Your Way Home“ од Кери Р. Мур (4,14/5), кој опфаќа единаесет приказни од американскиот Југ за љубов, припадност и наследство.
Опра Винфри, пионер во овој тренд, за август ја избра „Bridge of Sighs“ од Ричард Русо (3,80/5), дело за неузвратена љубов, семејни драми и влијанието на минатото, со прашањето дали можеме да ја надминеме својата судбина.
Риз Витерспун и нејзиниот Reese’s Book Club го препорачуваат дебитантскиот роман „Once Upon a Time in Dollywood“ од Ешли Џордан (4,28/5), кој таа го опиша како „живописен, смешен и полн со емоции“.
Дуа Липа во рамки на Service95 Book Club го избра „This House of Grief“ од Хелен Гарнер (4,04/5) – вистинска судска драма што истражува човечки емоционални граници и морални дилеми.
Со своите препораки, овие ѕвезди не само што ги промовираат авторите, туку и ја потсетуваат публиката дека книгата е вечен извор на инспирација, емпатија и личен раст.
Августовските избори нудат жанровска разновидност, но сите споделуваат една порака – читањето е моќ.
Извор
