Дали ги препознавате? Исплива фотографија стара повеќе од три децении од најпознатите мајка и ќерка на регионалната сцена
Легендата на балканската музичка сцена, Весна Змијанац, деновиве ги изненади своите следбеници на социјалните мрежи со емотивна објава – фотографија стара повеќе од три децении на која позира со ќерката Николија за време на летен одмор.
На сликата, Весна е млада мајка, додека малата Николија ѝ седи во скут, а заднината открива мирно море и спокојна атмосфера.
Фотографијата предизвика лавина емоции и коментари, особено од оние кои ја следат кариерата на Весна од нејзините почетоци.
Многумина ја пофалија нејзината природна убавина и истакнаа дека токму таа убавина ја наследила и нејзината ќерка – денес веќе популарна пејачка и јавна личност.
Николија, која е во брак со пејачот Реља Поповиќ, денес и самата е мајка на две ќерки, што фотографијата ја прави уште повредна – потсетник на генерациска поврзаност, љубов и моментите кои остануваат врежани во сеќавањето.
Весна уште еднаш покажа дека покрај славата и долгиот музички пат, за неа семејството секогаш останува на прво место.
Извор: Фејсбук
