„ГО ДОПРЕВ ДНОТО...“ Искрена исповед на Вељко Ражнатовиќ: Богдана може само уште еднаш...
Вељко Ражнатовиќ, заедно со сопругата Богдана и нивните три сина – Жељко, Крстан и Исаија – живее во Тител, родното место на неговата сопруга.
Освен што е активен во спортот како боксер, Вељко има и свој бизнис со свињи, за кој отворено зборува во јавноста.
Неодамна, во подкаст на „Информер“, Вељко откри дека со Богдана можат да добијат и четврто дете, иако таа досега се породувала трипати со царски рез. Според советите од стручните лица, тоа е медицински возможно.
Таа сега ќе оди на трет царски рез и потоа можеме да имаме уште едно дете, изјави Вељко, откривајќи и дека сонува за ќерка по три сина.
Живот во Тител – мир, семејство и работа на фарма
„Сега живеам во Тител. Тука сум додека се подготвувам за натпреварувања. Се вратив во своето село и градот повеќе не сакам да го видам. Отсекогаш сум сонувал за два сина... ова трето дете е плус. Сега се надевам и на една ќерка“, изјави Вељко во емисијата „Премиера Викенд Специјал“.
Тој исто така зборуваше и за славата и вниманието што го добил уште на почетокот на кариерата, пред сè поради неговите родители. „Можеби ми помогна, но и ми одмогна. Се соочував со предрасуди. Денес мислам дека таа популарност повеќе ми одмогна отколку што ми помогна.“
По свадбата, семејството се преселил во Тител, каде што Вељко управува со својата фарма. „Клучниот момент да се преселам на село беше кога сфатив дека Белград е изгубен град. Не сакам моето дете да расте во таква средина. Ме ужасуваат кафулињата, градскиот живот... Тука сум на половина час од Белград, а блиску ми се и Зрењанин и Нови Сад“, вели Вељко за „Блиц“.
Семејството и верата – основа на неговата сила
„Жељко секогаш мора да биде под надзор. Во Тител му е убаво, но и кај мајка ми во Белград. Сепак, верувам дека е поздрава средина за него да расте овде“, додава Вељко.
Тој отворено зборува и за најтешкиот период во својот живот:
„Да, еднаш го допрев дното и тогаш се рестартирав. За мене, тоа беше дно. Сакам само да кажам дека ако некој сега се наоѓа во таква ситуација, она што го зборувам е единствениот пат. Ме спаси верата – само верата.“
Оваа искрена исповед на Вељко открива не само трансформацијата на неговиот начин на живот, туку и личниот раст, фокусиран на семејството, духовноста и мирот далеку од градскиот метеж.
Извор: Kurir.rs
