"Го изгубив домот, пријателите, па дури и идентитетот. Но не се изгубив себе": Ненадминливата Неда Украден
Жената што преживеа војна, загуби и скандали – и сепак остана икона
Зад блескавата кариера и стотици хитови, Неда Украден носи живот исполнет со болка, преселби, предавства и борба – како вистинска дама што никогаш не паднала на колена.
Во светот на музиката каде времето брзо заборава, Неда Украден е феномен што опстојува со децении. Нејзиниот живот на сцена личи на бајка – блескава жена, моќен глас, шарм безвременски. Но зад сето тоа стои жена што го доживеала најтешкото: војна, бегство, загуба на домот, семејни предавства и медиумски напади.
Родена за музика, закована со тешкотии
Неда Украден е родена во 1949 година во Имотски, Хрватска, во семејство со мешано етничко потекло – што подоцна ќе биде причина за напади во јавноста. Се сели во Сараево, каде расте и го започнува својот музички пат. Таа дипломирала право, филозофија и англиски јазик, но музиката ја победила.
Сцената ја засака рано, а публиката ја засака уште порано. Во 70-тите и 80-тите, Неда беше симбол на елеганција, нежност и моќна жена која сама си го трасира патот.
Љубов и изневереност
Во нејзината лична приказна, љубовта не и беше пријател. Се омажила за Милан Билбија, музички продуцент, со кој ја има ќерката Јелена. Но нивниот брак завршил болна и тивка смрт – поради неверство од негова страна. По разводот, Неда не сакаше да се венча повторно, изјавувајќи: „Не верувам повеќе во бајки“.
Војна и прогонство
Најголемиот удар следи со војната во Југославија. Неда, која тогаш живеела во Сараево, буквално избегала преку ноќ, оставајќи сè зад себе. Домот и студиото и биле опљачкани и уништени. Луѓето што до вчера ѝ аплаудираа – ја нарекувале „предавник“. Сараево, градот што го љубеше, ја отфрли. Болката од таа предавничка тишина ќе ја носи засекогаш.
Се преселува во Белград – град кој исто така ја прифати, но не без резерви. Наиде на отпор, на медиумски напади, на етикети. Таа одговараше со – песни.
Смртта на поранешниот сопруг
Во 1997 година, нејзиниот поранешен сопруг Милан почина од срцев удар. Неда го доживеа тоа како тежок момент – не како сопруга, туку како човек што еднаш го сакал. За ќерка ѝ, за спомените, за минатото што не се брише.
Мајка, баба, борец
Неда не зборува многу за семејството, но е посветена мајка и баба. Ќерката Јелена ѝ е најголемата поддршка. За внуците вели: „Тие се најголемиот подарок што ми го даде животот, откако ме раскина на парчиња“.
Кариера што пркоси на времето
И покрај сè – или можеби токму поради сè – Неда остана на сцената. Со хитови како „Zora je“, „Vrati se s kišom“, „Šaj, šaj“ и многу други, таа создаде музички опус што нема старост. Денес, во осмата деценија од животот, настапува со истата енергија, држење и харизма како некогаш.
Во едно интервју рече:
"Го изгубив домот, пријателите, па дури и идентитетот. Но не се изгубив себе."
