Хали Бери стана прва модна жртва на Канскиот фестивал: Во последен час мораше да го смени фустанот и да игра по правила-модата ја казни!

Добивај вести на Viber

Непосредно пред отворањето на Канскиот филмски фестивал, познатата актерка Хали Бери беше принудена да ја промени спектакуларната тоалета, а не по своја волја. Организаторите во последен момент буквално ги заострија правилата на црвениот тепих, што предизвика хаос меѓу ѕвездите и стилистите.

Имено, на само еден ден пред почетокот на фестивалот во Кан, кој годинава трае од 14 до 25 мај, воведено е ново правило кое забранува „голотија“, како и „големи фустани, особено оние со долги везови, кои го попречуваат протокот на гостите и го комплицираат седењето во салата“. Хали Бери на прес-конференцијата, која традиционално се одржува на првиот ден од фестивалот, призна дека морала да се откаже од оригиналната креација на познатата дизајнерка Гупта.

„Имав неверојатен фустан што не можам да го облечам вечерва бидејќи е преголем“, рече таа со насмевка и додаде: „Нема да ги кршам правилата. И искрено, правилото за голотија е веројатно добра работа“.

Портпаролите на фестивалот потоа објаснија дека правилото не е насочено кон модниот пуританизам, туку „да се почитува институционалната рамка на настанот и француските закони“.

Сепак, иако Хали не ги прекрши правилата – модата јасно ја казни.

Наместо во планираниот гламурозен тоалет, таа се појави во фустан кој изгледаше како да е земен и сошиен во последен момент - страшно исечен, со црно-бели вертикални нитни, повеќе личеше на костим отколку на свечен фустан.

На социјалните мрежи немаше коментари - некои се пошегуваа дека изгледа како изгубен член на браќата Далтон, а други на хумористичен начин забележаа дека најверојатно панично грабнала тенда или чадор за сонце од едно од кафулињата на ривиерата во Кан и го искористила за да направи фустан.

Се на се, Хали Бери уште еднаш покажа дека игра по правила, но и дека модата кога не оди според планот знае да биде брутална.