Хорор на породување: Ја парчал постелката со раце, за потоа насилно да ја влече како месар - лекар на замена заборавил газа во матката на родилка!
Откако на свет дојде жив и здрав синот на Шибенчанката Лара Алат решила да ја раскаже нејзината агонија која започна кога лекар, кој дошол како замена, насилно се обидел да ја извади постелицата, додека таа во страшни болки го молела да престане.
На агонијата сведочела нејзината сестра која била присутна на породувањето. Како што раскажала, однесувањето на лекарот било морничаво и застрашувачко. Акушерското насилство што го доживеала Лара тешко можело да се опише со зборови.
– Бев зад него, тој ја бутна раката во нејзината вагина... Силовито влечеше. Лекарката која ја водеше бременоста зборуваше дека нема потреба од тоа, дека сепак ќе биде успиена и дека постелката ќе се отстрани оперативно, но тој го игнорираше тоа – изјавила Паола Коњух за емисијата „Провјерено“.
Постелицата ја вадел со рака во парчиња
Лекарот влечел сè додека постелицата не пукнала, а глетките останале длабоко врежани во сеќавањето на присутните.
– Ја тресеше раката, излегуваа парчиња... Беше морничаво, вистински хорор. Тоа беа парчиња ткиво – се присетува сестрата на Лара.
На крајот, Лара била оперирана, но петтиот ден по враќањето дома почувствувала дека нешто не е во ред.
– Нешто излегуваше од мене. Не знаев што да правам – вели таа.
Кога конечно собрала храброст да го извади тоа што излегувало, останала шокирана.
– Кога го извлече... Во неа имаше метри газа. Ја заборавил газата! Освен што ја влечеше постелката како месар, оставил и газа внатре – додала нејзината сестра.
Потоа, Лара добила висока температура и повторно завршила во болница, каде што било утврдено дека има заостанат дел од постелицата. Се поставува прашањето како дошло до тоа и зошто добила медицинска документација која не одговара на вистинската состојба.
Извор / EPA
