Ја загуби битката со лошата болест: Мајката на водителката Нина Сеничар почина, а нејзината проштална порака ќе ви го скрши срцето
Нејзината емотивна порака ќе ви го скрши срцето...
Водителката и манекенка Нина Сеничар сподели фотографии на својот профил на Инстаграм со нејзината мајка, која минатата недела ја загуби битката со злобната болест и се прости од неа со емотивна порака што им ја посвети на сите жени.
- Минатата недела, по голема седуммесечна борба, мајка ми почина. Мојата Славица е лавица. Се бореше како што живееше, со достоинство и храброст. Ракот зеде навидум совршено здрава 61-годишна жена за само неколку месеци. Решив ова да го споделам со вас само од една причина. Земете ја мајката / бабата / тетката / соседот / пријателката за рака и однесете ја на преглед на матката и градите. Една од 5 жени добива тумор на матката, а една од 3 добива тумор на дојка. Туморот може да расте со години без никакви симптоми и кога ќе почнат симптомите може да биде предоцна. Ако „спасам“ една жена со оваа порака, смртта на личноста што ја сакам најмногу на светот може да има малку повеќе смисла за мене. Почивај во мир мамо, ќе ни недостигаш засекогаш. Те сакам! - напиша Нина.
