Кој е Зевс, најмистериозниот човек на светот? Има милиони и ја љуби Афродита

Добивај вести на Viber

Илан Тобијанах, кого милиони го знаат под прекарот Зевс, а и самиот така се претставува на социјалните мрежи, стана глобална енигма на интернетот.

Роден е на 22 ноември 1971 година во Париз, а корените му се протегаат до Франција, Мароко и Италија. 

По струка е правник – студирал на престижната Сорбона и се специјализирал за недвижнинo право. Неговата адвокатска кариера е поврзана со компанијата Mot et Associés Immobilier, но со текот на времето се свртел и кон модата, филмот и социјалните мрежи.

Прекарот Зевс го добил благодарение на впечатливиот изглед – долга бела брада, седа коса и изразени црти на лицето што потсетуваат на антички скулптури на грчките богови. Тој визуел стана негов заштитен знак и основа на брендот што го гради со години.

Живот во луксуз

Тобијанах го гради својот имиџ на социјалните мрежи, пред сè на Инстаграм, каде настапува под името Zeus и редовно споделува сцени од раскошниот живот. Неговата колекција автомобили е една од темите што најмногу привлекува внимание – од Ferrari и Lamborghini до ретки модели како Delage D12 или луксузни мотоцикли.

Покрај тоа, лансира сопствени линии парфеми, облека и обувки, што дополнително го зајакнува неговиот статус на модерниот Зевс.

Се проценува дека неговото богатство изнесува околу 50 милиони долари, а изворите на приходи ги вклучуваат адвокатската практика, работата во секторот за недвижнини, соработки со брендови, но и ангажмани во филмската индустрија. Тобијанах досега продуцирал неколку кратки филмови, а наводно работи и на долгометражен проект.

Инстаграм профилот му брои над два милиони следбеници, а ТикТок е уште една платформа каде го гради својот имиџ.

Зевс и Афродита

И додека долго се шпекулираше за неговиот приватен живот, последниве години јасно покажува со кого е во врска.

Илан Тобијанах од почетокот на 2023 година се поврзува со естонската манекенка Ребека Војси а парот редовно споделува заеднички моменти на социјалните мрежи.

Ребека на Инстаграм се претставува како Афродита – грчката божица на љубовта, убавината и желбата – со што дополнително се надополнува митолошкиот имиџ на Зевс и Афродита како пар што живее луксузна модерна бајка.

Токму таа комбинација – спојот на гламур, луксуз и внимателно дозирана тајност околу приватниот живот – е причината поради која медиумите и јавноста го нарекуваат „најмистериозниот човек на светот“.