Лејла од серијата „Дозволи да те сакам” сѐ уште се бори со ковид симптомите
Прекрасната ѕвезда од серијата „Дозволи да те сакам“, Седа Бакан го отвори своето срце пред новинарите споделувајќи детали во врска со нејзиното здравје откако добила позитивен тест за коронавирус и оздравела со релативно лесни симптоми.
„Иако поминаа 6 месеци, сè уште не чувствувам мирис. Многу е непријатно. Сега ќе одам кај мојот лекар“ - рече актерката додека позираше за медиумите со својата преслатка ќерка Лејла.
Минатата година, кога актерката фати коронавирус, таа даде изјава, во врска со нејзиното здравје и здравјето на нејзиното семејство: „Ние сме добро. Овој период го минувам без употреба на лекови затоа што сè уште го дојам бебето. Носам маска кога сум многу блиску до неа. Се хранам здраво. Земам витамини Ц и Д, како и цинк. Се надевам дека ќе помине брзо и само со овие симптоми на грип што ги имам. На сите им посакувам љубов и брзо заздравување на болните.“
Тогаш таа апелираше луѓето да носат маски и да се грижат за себе, истовремено чувствувајќи се среќна што има само благи симптоми на грип.
Деновиве здрава и убава како и секогаш, Седа реши да го покаже својот истенчен вкус за мода и во совршен стајлинг во духот на 80-тите се појави на отворање на монденска слаткарница придружувана од нејзината малечка ќерка Лејла, која ја има од среќниот и романтичен брак со музичарот Али Ерел.
Публиката ја познава и ја сака Седа во улогата на Лејла од популарната серија „Дозволи да те сакам“. Таа игра самохрана мајка која се мажи за богатиот бизнисмен Хашмет со цел да му даде подобар живот на нејзиниот син. Сепак, работите добиваат неочекуван пресврт на денот на нејзината венчавка, кога Лејла открива дека Хашмет има темна страна. Алпер, кој е вработен кај Хашмет, ѝ помага да избега, а двајцата неизбежно се вљубуваат.
„Дозволи да те сакам“, ги има сите состојки за успешна серија: емоции, драма, опасност, пресврти на судбината и, се разбира, многу љубов. Не ја пропуштајте новата епизода секој ден во 19.15 часот или гледајте викенд маратон од 16 часот на Dizi Macedonia.
