Невидена драма на турско семејство: Го заборавиле детето на бензинска пумпа во Србија и си заминале

Добивај вести на Viber

фото:pixabay.com

Нишката полиција го пронашла девојчето (14), се грижеле за неа и чекале родителите да ја земат.

Во близина на Ниш, Србија се случи драма без преседан. Родители од Турција ја заборавиле својата ќерка (14) на бензинска пумпа, а тоа го забележале дури кога поминале неколку градов. Драматична потрага по детето се случила во саботата околу 7.45 часот на делницата од автопатот Белград-Ниш. Девојчето било вратено кај родителите благодарение на нишката полиција, на која колегите од Лапово го пријавиле нејзиното исчезнување.

Турските граѓани патуваа од одмор, од својата земја во Западна Европа и застанаа на бензинска пумпа во близина на Ниш за кратка пауза.

- Родители излегоа од возилото на бензинската пумпа за да купат храна, а синот и ќерката ги оставија во автомобилот бидејќи спиеја. Меѓутоа, во еден момент, девојката се разбудила и излегла да ги најде своите родители. Но, се разминала со нив, па набргу се качиле во автомобилот без неа и го продолжиле својот пат. Дури кога момчето се разбудило на задното седиште, викнало дека ја нема сестра му, па некаде во Лапово сфатиле дека ја оставиле ќерката на бензинска пумпа - објаснува извор за српските медиуми.

Родителите веднаш ја известиле полицијата во Лапово за исчезнувањето на нивната ќерка, која го пријавила тоа кај нивните колеги во Ниш.

- Полициските службеници наскоро пристигнаа на спорната бензинска пумпа во близина на Ниш и најдоа девојка од Турција како седи на клупа. Со себе имала пасош, кој го потврдувал нејзиниот идентитет, па полицајците останале до неа додека нејзините родители и брат не се вратиле на тоа место да ја земат, а потоа сите заедно го продолжиле патувањето - објаснува изворот.

Сличен инцидент се случи неодамна во Белград, кога на 28 јули, околу 15 часот, пронајдено е четиригодишно момче.

- Еден од патниците го праша возачот чие дете спие само на седиштето, на што тој рече дека и тој си го поставил тоа прашање, па веднаш ја известил полицијата за се, а тие ја известиле брзата помош - изјавил еден од очевидците од автобусот.

Не го ни барале момчето од автобусот

Родителите на момчето В. Х. (4), кое беше пронајдено во автобус на белградската линија 35Л, не пријавиле исчезнување на детето.

- Дури кога дојде полицијата кај нив, мајката почна да прави драма за тоа како исчезнало нејзиното дете, додека таа беше во алкохолизирана состојба - изјави извор од истрагата минатата недела.

Работниците од Центарот за социјална работа веднаш излегле на местото и го однеле момчето, а потоа го утврдиле неговиот идентитет. Тие веднаш ја започнаа контролната постапка, во рамките на која се проверуваше под кои услови детето е оставено само, условите во кои живее детето, компетенциите на родителите, како и дали момчето било запоставено и малтретирано.

Извештајот на центарот за случајот со напуштеното момче пристигна во Првото основно јавно обвинителство во Белград на 4 август, а сега се чека нивната одлука за кривично гонење на родителите на детето. Доколку центарот утврди дека родителите ја занемариле должноста за грижа и воспитување, против нив ќе биде поднесена кривична пријава за занемарување и злоупотреба.

Центарот за социјална работа во Белград тогаш изјави дека детето е во добра здравствена состојба и дека е соодветно згрижено.