„Плаче срце од три страни“ ја воодушеви и Тања Лазаревска: Прегрнат со македонско знаме Никола Станишиќ запеа на прослава во Австралија
Овогодинешниот победник на музичкото шоу „Ѕвездите на Гранд“, Никола Станишиќ, отпатува во Австралија, каде што настапи на приватна прослава и создаде вистинска еуфорија меѓу присутните Македонци.
На видеото кое го сподели пејачката Татјана Лазаревска, се гледа како Станишиќ, обвиен во македонското знаме, ја изведува легендарната песна „Бисер Балкански“ – еден од најголемите македонски хитови што секогаш буди емоции и гордост кај иселениците.
Во моментот кога Никола ја запеа песната, атмосферата во салата стана неверојатна: двајца музичари на тапан му даваа ритам, Татјана го снимаше величествениот момент, а на средината од салата се фати македонско оро.
Сцената беше вистински празник на емоции и носталгија – симбол на тоа колку музиката ги поврзува Македонците каде и да се во светот. Настапот на Станишиќ во Австралија уште еднаш потврди дека неговиот талент и харизма ги надминуваат границите, оставајќи траен впечаток кај публиката.
