По Словенија, Бугарија е една од најатрактивните ЕУ држави за македонските студенти
Европа привлекува стотици илјади странски студенти секоја година, но условите за работа за време на студирањето значително се разликуваат од земја до земја.
Според податоци, во ЕУ студираат околу 1,76 милиони странски студенти, што претставува 8,4 % од вкупниот број.
Во 14 европски земји, меѓу кои Велика Британија, Франција, Ирска, Шведска и Полска, не е потребна работна дозвола. Во Австрија, Белгија, Данска и Италија дозвола е потребна само за студенти од земји надвор од ЕУ/ЕЕА, додека во Шпанија, Холандија, Словенија, Норвешка и уште неколку држави таа е задолжителна.
Најчесто студентите смеат да работат до 20 часа неделно. Во Луксембург тоа е ограничено на 15 часа, а во Холандија на 16. За време на летните одмори е дозволено полно работно време. Сатниците се движат од 3,3 € во Бугарија до 18 € во Луксембург и 19 € на Исланд. Половина од земјите нудат помалку од 8 € по час, додека највисоки приходи имаат студентите во Норвешка, Данска, Холандија и Велика Британија.
Во Германија и Шпанија месечната заработка може да достигне околу 1.100 €, во Франција 900 €, а во Италија 600–750 €. При избор на студии, покрај можноста за работа, студентите ја земаат предвид и достапноста на програми на англиски, трошоците за живот, имиграциските политики и квалитетот на универзитетите.
Познато е дека голем број на студенти од Македонија, се одлучуваат за студии во земји како Словенија, а атрактивна е и Бугарија. Причината за ваквата одлука е што добиваат диплома за високо образование која е со потекло од ЕУ и нивните можности за признавање пошироко на дипломата се поголеми.
Eunews, freepik
