Преку ноќ, куќата со плишани мечиња стана најголема атракција: Божиќната магија пристигна во овој град

Добивај вести на Viber

Сместена на улицата Мала, недалеку од Каптол и Нова Веса, куќата со мечињата потсетува на најубавите европски адвентски декорации, но со препознатлив загрепски шарм.

Центарот на Загреб, се подготовува за ппознатиот божиќен Адвент. На Томиславац се поставува Ледениот парк, полиците во продавниците веќе полека се полнат со божиќни украси и само е прашање на денови кога ќе се слушне култната песна „All I Want For Christmas Is You“ во изведба на музичката дива Мараја Кери на радио. Граѓаните на Загреб деновиве се воодушевени од уникатната куќичка со мечиња, необична божиќна бајка во која ќе се заљубите на прв поглед!

Имено, недалеку од Каптол и Нова Веса, популарното „Ателје Среќе“, место познато по своите прекрасни мириси, цвеќиња и подароци кои носат емоции и позитивна енергија, оваа година ја украси својата зграда со околу 20 мечиња, кои буквално преку ноќ станаа најфотографираните жители на метрополата.

„Пред неколку години патував во Стразбур, Франција, само за да ја видам нивната позната куќа со мечиња. Бев толку воодушевена од топлината и бајката што сакав да направам нешто слично во Загреб. Оваа година, кога решивме да лансираме ограничена божиќна колекција на мечиња, сè спонтано се поврза. Сакавме целата приказна да биде комплетна, нашето Среќко да оживее надвор од кутијата, низ просторот и улицата“, изјавила Ива Тодориќ за putnikofer.hr.

Преслатките мечиња станаа чувари на среќата од улицата Мала, симболи на топлина, заедништво и детска радост. Целата фасада е трансформирана во божиќна сцена што потсетува на најубавите европски адвентски декорации, но со препознатлив загрепски шарм.

„Сакавме да го создадеме најубавото место за божиќно фотографирање во Загреб и се чини дека успеавме. Луѓето чекаат ред пред нашата продавница секој ден, сите сакаат да се фотографираат со нашите плишани играчки, возачите ни мавтаат од своите автомобили, а божиќната музика и трепкачките светла ја исполнуваат целата улица. Најдоброто од сè е што ја постигнавме нашата цел, да ги правиме луѓето среќни секој пат кога ќе поминат покрај нас“, додава таа.

Со ограничена колекција од шармантното мече Среќко (има 150 од нив, а секој примерок доаѓа со број и среќна порака) и празнична атмосфера што се шири низ целата населба, „Ателје Среќе“ покажува дека Божиќ не е само сезона на шарени декорации, туку и тоа прекрасно чувство кога срцето ви трепери и насмевка ви го осветлува лицето без посебна причина...

Фото: Инстаграм
Извор: Putnikofer.hr