Се згрозив кога дознав дека син ми не ја миел косата две години, но потоа се откажавме од сапун и никогаш не мирисавме подобро!

Добивај вести на Viber

„Се згрозив кога дознав дека мојот син не ја миел косата две години, но, тоа во целост го промени начинот на кој живее моето семејство – луѓето се згрозуваат, но ние чувствуваме дека ја направивиме вистинската работа, се откажавме од сапунот и никогаш не мирисавме подобро“, ова го тврди познатата Австралијка Марина Фогл, која со оваа изјава стана една од славните личности кои пропагираат живот со помалку капење и помалку хемија.

Марина, мајка на две деца - Лудовик (11) и Јона (10) и нејзиниот сопруг Бен повеќе не користат сапун, шампон и други хигиенски средства и тврдат дека оттогаш мирисале многу подобро.

- Се започна кога се згрозив кога дознав дека мојот син две години не ја миел косата со шампон. Замислете, го бакнувам и мазами а, во тие две години никогаш не сум почувствувала дека не користи шампон - вели Марина.

- Кога го прашав син ми зошто го бојкотира шампонот, ми рече дека нашето куче Бура не ја мие косата и мириса прилично убаво - продолжува Марина.

Така започнало нивното семејно преминување во живот без шампон и сапун.

- Се разбира, имаме сапун за гости, но на нашето семејство не му треба. Имав егзема на 28 -годишна возраст и оттогаш имам многу чувствителна кожа. Сапунот воопшто не ми помага и забележав дека состојбата е подобра бидејќи не го користам. Се туширам само со вода, без сапун. Разговарав со многу дерматолози кои ми рекоа дека нашата кожа е природно совршено избалансирана и има природна бариера што сапунот ја уништува. Козметиката и целата индустрија живеат од нашата несигурност и се обидуваат да не‘ научат како да мирисаме и да изгледаме подобро. Мојата хигиена е одлична и без сапун и дезодоранс - вели Марина, додавајќи дека го убедила и нејзиниот сопруг Бен да го стори истото. 

- Нашата одлука е одлична и од еколошка страна, бидејќи трошиме помалку вода и купуваме помалку пластика. Размислете, можеби на некои од нас не им треба толку сапун и шампон како на другите. Можеби во одреден момент од животот можеме да ја олабавиме хигиената - рече Марина во интервју за Telegraph.

Фото: Profimedia