Семејство од Делчево живее со 7.100 денари месечно – бараат помош за болното дете и голата егзистенција

Добивај вести на Viber

Семејството Стоилови од Делчево се бори за гола егзистенција и достоинствен живот. Тие имаат две дечиња – едното на 13 години со посебни потреби, а другото на само 3 години. Поголемото дете секој месец мора да прима терапија која чини 190 евра, додека целото семејство живее со едвај 7.100 денари месечни примања.

Состојбата е толку тешка што често, ако имаат нешто за ручек, остануваат без вечера. Нивната секојдневна битка е обременета со долгови за кирија, струја и вода, а немаат ниту основни услови за живот – машина за перење, доволно храна, топол дом или пристојни креветчиња за децата.

Апелот е упатен до сите хумани луѓе, компании и организации да помогнат со колку што можат. Стоилови се благодарно семејство, кое во овие тешки моменти има потреба од подадена рака за да може нивните деца да имаат барем дел од она што е основно за секое дете – топлина, здравје и сигурност.