Сите на Балканот имаат ајвар, но македонскиот е посебен: Еве што го разликува нашиот од сите други видови ајвари!

Добивај вести на Viber

Ајварот е едно од најпознатите јадења на Балканот, а секоја земја има свој начин на подготовка. 

Иако сите варијанти имаат слична основа – печена пиперка – вкусот и текстурата значително се разликуваат поради изборот на состојки и методот на приготвување.

Македонија

Македонскиот ајвар важи за најавтентичен и најценет. Се користи куртовска капија, месеста и слатка пиперка која се пече на дрва. Во традиционалната верзија нема многу додатоци – најчесто само масло и сол. Ајварот се пржи со часови во големи садови, со постојано мешање, сè додека не добие густа и кремаста текстура.

Србија

Српскиот ајвар најчесто комбинира пиперки со модар патлиџан, а понекогаш и моркови. Наместо на дрва, често се пече во рерна. Се додаваат зачини како лук, шеќер и оцет, па вкусот знае да биде покисел и поароматичен.

Хрватска

Во Хрватска во ајварот често се додаваат домати, што му дава специфична киселкастост. Подготовката е поедноставена, со пократко пржење, а за подолга трајност често се додава повеќе оцет.

Босна и Херцеговина

Босанскиот ајвар се препознава по тоа што содржи многу лук, а понекогаш и комбинација од печени и варени пиперки. Вкусот е поинтензивен, а структурата може да биде покрупна.

Иако секоја земја има своја традиција, токму македонскиот ајвар се издвојува со минимализам во состојките и автентичен вкус каде што главната улога ја има пиперката.

Фото: EPA