Во Вухан луѓето живеат како кoвид-19 никогаш да не постоел: Заборавија на маските

Добивај вести на Viber

Најизолираното место во светот, градот-дух, нултата точка на пандемијата на коронавирусот... Очите на целиот свет беа насочени кон кинескиот град Вухан на почетокот на годината.

Денес, само неколку месеци подоцна, главниот град на провинцијата Хубеи во централна Кина воопшто не се споменува во светските медиуми. Само тука и таму се објавуваат некои новости, што се, всушност, сосема поинакви од очекуваните. „Илјадници луѓе на фестивалот во воден парк“, „Забава без маски“, „Вухан сè уште без новозаразени“, „Животот продолжи понатаму“, се само некои од насловите што можат да се најдат, а кои сведочат дека состојбата во Вухан е целосно различна од онаа пред неколку месеци.

Нема локална трансмисија

Покрај тоа, додека новите жаришта како Северна и Јужна Америка, Европа и Југоисточна Азија се борат со вирусот, Вухан е етикетиран како „Кинеското најбезбедно место“, па се поставува прашањето како поминал од најпогодениот кинески град каде се случија повеќе од скоро 85.500 случаи на заразени и повеќе од 4.600 смртни случаи. Да потсетиме, беше 23 јануари кога овој град со повеќе од 11 милиони жители беше ставен во карантин каков што светот не видел порано, откако Кина потврди дека вирусот САРС-КоВ-2 може да се пренесе од човек на човек.

Слики од празни улици, без ниту еден човек или возило, го обиколија светот и буквално никој не смееше да влегува или да излегува од овој град, кој во тоа време броеше повеќе од 400 заразени и имаше 17 смртни случаи. Вухан беше ставен во карантин цели 76 дена, а првото олеснување на мерките беше објавено дури во март, кога на едно лице од секое домаќинство му беше дозволено да го напушти домот само два часа. Потоа започнаа да се отвораат продавници и трговски центри, јавниот превоз повторно започна да работи, а луѓето тргнаа да се враќаат на работа, за на 8 април конечно официјално да се укине целосното заклучување. Додека Европа беше на врвот на својата паника, сликите што пристигнуваа од Вухан покажаа дека ништо повеќе нема да биде исто. Секојдневниот живот во Вухан беше далеку од нормален. Очигледно сè уште во голем страв од вирусот, властите поставија барикади околу зградите и на улиците, сите носеа маски, температурата се мереше на секој чекор… „Дали ова ќе биде ново нормално и дали е ова како изгледа светот по пандемијата?“ 

Само неколку дена откако училиштата повторно беа отворени во Вухан и откако беше официјално објавено дека нема повеќе заразени пациенти во болниците. Во тој момент, градот цврсто одлучи да не го повтори сценариото од почетокот на годината и започна со спроведување на амбициозен план за тестирање на целото население на Вухан. Луѓето чекаа ред на дождот за да се земе брис од грло, а целиот потфат чинеше милијарди. Но, планот очигледно успеал и вирусот бил ставен под контрола. Покрај тоа, ниту еден локален пренос не е потврден во Вухан од мај, а имало само неколку случаи на коронавирус. Со текот на времето, граѓаните сфатија дека сè уште можат да се релаксираат и дека животот по пандемија можеби не е знак на постојана паника. Затоа, одговорот на прашањето зошто граѓаните на Вухан организираат огромни музички фестивали и зошто не носат маски во клубовите едноставно - затоа што сметаат дека се безбедни. 

Затворено за странци 

Исто така, странските новинари кои успеале да влезат во Вухан истакнуваат дека пандемијата влијаела и на менталитетот на луѓето. Од една страна, идејата дека државата одлично одговорила на предизвиците сега се пропагира уште поагресивно во Кина. Навидум нормалниот живот во Вухан оди рака под рака со фактот дека градот е позатворен за странците од кога било, и се вели дека контролата на болеста е исто толку важна како и контролата на дискурсот. Тој, за возврат, може да биде кратко дефиниран со пораката дека Кина го победи вирусот што сега ги колени САД. Исто така, додека за Вухан може да се каже дека живее постпандемска иднина, која другите земји сè уште ја чекаат, предупредувањата на светските експерти не можат да се игнорираат, кои, гледајќи ја моменталната состојба во Вухан, велат дека не е добро да се релаксира премногу враќање на вирусот е возможен во секое време.