Настани, Филм

Синот на Дејвид Боуви: Мојот татко преживеа десет животи во еден

11 Јануари, 2018 12:35

-Мојата најдрага љубовна приказна ми е нашата, напишала Имам Боуви (62), вдовицата на Дејвид. Манекенката и неговата долгогодишна сопруга во пресрет на нивната годишнина од смртта му покажа на светот никогаш видена фотографија од Дејвид кога бил дете.

Дејвид Боуви почина на 10 јануари 2016 година од рак на црниот дроб, два дена по 69-от роденден. Почина во својот дом, опкружен со најблиските. Неговиот син, режисерот Данкан Џонс (46), прв ја потврди тажната вест. Шест месеци по смртта на Дејвид , Данкан го доби својот прв син, Стентон Дејвид Џонс.

-Веста дека ќе биде дедо ја доби месец дена пред смртта. Му направив смешна честитка. Само тој и јас се смеевме на такви шеги, имавме сличен смислол за хумор-рекол Данкан.

Иако се 8-ми и 10-ти јануари, како вели „чудни денови“, Данкан се чувствува добро. -Мојот татко преживеа десет животи во еден. Многу нешта ме научи, а моментално ми е најважен неговиот совет: „Немој да се грижиш за ништо. Никогаш. Научи нешто од тоа, повторно дигни се и почни да работиш нешто ново и храбро“, се потсети Џонс, најпознат по режијата на филмовите 'Moon' и 'Warcraft'.