„Ако не е за на море, тогаш е за бања“: Бањскиот туризам во септември е атракција, еве каква е состојбата во Македонија
Бањскиот, односно спа туризмот, во Македонија е сѐ уште слабо развиен, но има значаен потенцијал.
Во периодот од 2017 до 2021 година, само околу 5 % од домашните туристи и 1 % од странските гости ги посетиле бањските центри. Што се однесува до ноќевањата, кај домашните туристи тие изнесувале околу 10 %, а кај странските едвај 2 % од вкупниот број.
Во 2023 година, бањските центри сочинувале само околу 2,6 % од вкупните туристички посети во земјата.
Податоците за ноќевањата во периодот 2010–2020 година покажуваат дека од вкупно над 26 милиони ноќевања, нешто повеќе од 7 % се остварени во бањите, односно околу два милиона.
Во 2019 година овој процент паднал на околу 6,7 % поради растот на сите други туристички сегменти, како планинските, езерските и градските дестинации.
Во однос на профилот на туристите, посетителите главно се домашни – дури 77–88 % од посетителите и 79–89 % од ноќевањата ги остваруваат граѓаните на земјата. Странските туристи учествуваат со 12–23 % од посетителите и 11–21 % од ноќевањата.
Заклучно, бањскиот туризам во Македонија е маргинализиран и доминиран од домашни посетители.
Тој претставува недоволно искористена гранка со голем потенцијал – особено во сегментот на велнес туризмот. Напредокот ќе зависи од внесување современи содржини, подобрување на инфраструктурата, промоција и вложувања во бањските центри.
М.С.КФото: EPA
