Анѓела била бремена кога се срушила настрешницата: Шокантни зборови на семејството кои вистината ја дознале по трагедијата

Добивај вести на Viber

Анѓела Руман и Милош Милосављевиќ имаа една голема тајна, Анѓела беше бремена. Тие подготвуваа големо изненадување за своите родители и чекаа вистински момент, кога сите ќе се соберат за да им ја кажат најдобрата вест. Неколку дена пред планираното изненадување, тие се нашле пред железничката станица во Нови Сад на 1 ноември 2024 година, во 11:52 часот наутро.

Семејствата на Анѓела Руман и Милош Милосављевиќ ја дознаа целата вистина дури по нивната смрт. Невозможно е да се измери човечката трагедија, родителите на Анѓела и Милош ги загубија своите деца тој ден, но и нивната иднина, запросувањето, свадбата, раѓањето на внуче и сите тие среќни моменти што ги планираа двајцата млади, а кои загинаа на тој ужасен 1 ноември 2024 година.

Анѓела имаше 20 години, беше од Стара Пазова. Милош Милосављевиќ бил една година постар од неа, родум од Кљаиќево. Анѓела не сакала да патува, но тој ден дошла во Нови Сад за да се сретне со Милош. Тоа беше нејзин прв пат да патува сама.

„Таа не сакаше ништо надвор од Пазова, бидејќи се плашеше од превоз. Не сакаше гужви, не сакаше превоз. Беше прв пат, да оди сама... Сега се чувствувам виновна што ја убедив да оди“, вели Зорица Руман, мајката на Анѓела.

Нејзиниот татко, Златко Руман, ја опишува како столб на семејството, личност која ги смирувала сите. Таа ги сакаше животните, носеше дома мачки и кучиња што ги наоѓаше на улица.

Најмногу ги сакаше животните и децата.

„Само што има животни и деца околу неа и повеќе не ѝ треба ништо. Од мала сакаше да работи како наставничка. Сонуваше да се омажи и да има свои деца“, опиша сестрата Зорана Руман.

Зорица со солзи во очите раскажува за Анѓела, таа вели дека најмногу сакала да стане мајка.

Милош Милосављевиќ ја заврши ноќната смена на работа и отиде да ја чека Анѓела на станицата. Тој планирал да го помине викендот во Кничанин. Милош имаше две големи љубови: Анѓела и фудбалот. Тој играл во локалниот клуб „Потишје“ од Кничанин.

Роднините и пријателите велат дека Анѓела и Милош биле предодредени еден за друг. Тие биле исти, срамежливи. Создадени еден за друг. И двајцата полни со позитивна енергија, создадени еден за друг.

„Никогаш не сум видел толку многу љубов, толку многу да се согласуваат, да немаат никакви поплаки еден на друг. Никогаш не се карале, или пак да повишат тон, тоа не сум го видел во двете и повеќе години колку што беа заедно“, вели таткото на Милош, Горан Милосваљвеиќ.

Роденденот на Милош беше во четврток, имал тренинг во петок. Во саботата, тој планирал да го прослави својот 21-ви роденден на стадионот. Тој сакал да организира семеен ручек во недела.

„До тој ден не знаевме дека неговата девојка е бремена. Сакале да ни кажат на тој семеен ручек, дека неговата девојка е бремена“, објаснил Горан Милосављевиќ.

Дури ни родителите на Анѓела не знаеле, двајцата млади луѓе ја чувале својата тајна и подготвувале изненадување. Всушност, единствениот што знаел бил кумот на Милош, бидејќи младиот фудбалер сè уште не можел да додржи да не каже никому.

„Би сакал да знам кој е виновен за тоа, но вистинскиот виновник. Не го изгубив само синот тој ден, ја изгубив снаата и уште едно внуче. Тоа не е мала работа за едно семејство“, рече Горан Милосављевиќ, таткото на починатиот Милош, во емисијата „Под теретом“.

При падот на надстрешницата на 1 ноември 2024 година, 14 лица загинаа на лице место, а уште две починаа во болница поради сериозни повреди.