Баба (80) цел живот живеела со ИГЛА ВО МОЗОКОТ, се сомнева дека родителите се вмешани: Кога ќе чуете зошто, ЌЕ ЗАПЛАЧЕТЕ

Добивај вести на Viber

Иако се ретки, необичните здравствени случаи не се невообичаени, но секогаш нè изненадуваат на некој начин. Така, случајот и ситуацијата на 80-годишна баба, која живее во Русија, го изненадија целиот свет откако открила дека целиот свој живот живеела со игла од 2,5 см во мозокот! Лекарите веруваат дека нејзините родители се обиделе да ја убијат кога била бебе.

Министерството за здравство во рускиот регион Сахалин објави дека локалните радиолози ја пронашле иглата за време на рендгенско снимање. Иако не е прецизирано точно кога е откриено, се вели дека се случило во 2023 година.

Тие ја пронашле иглата во нејзиниот лев париетален лобус на мозокот, додека истражувачите рекле дека иглата била во нејзиниот мозок уште од раѓање. Од друга страна, лекарите веруваат дека нејзините родители се обиделе да ја убијат кога била бебе.

Во време на војна, некои очајни родители ставале игла низ мекото место на главата на новороденчето - фонтанелата - каде што коските на черепот сè уште не се споиле. Тоа место подоцна ќе заздрави и ќе ја скрие иглата, а бебето ќе умре, според министерството.

- Ваквите случаи не беа ретки во годините на глад. Иглата била прободена во левиот париетален лобус, но тоа немало очекуван ефект - додало Министерството.

Како што е очигледно, обидот за убиство не успеал, бабата преживеала и никогаш не страдала од главоболки, според Министерството за здравство на Сахалин. Лекарите одлучиле да не ја отстранат иглата од страв дека операцијата може да ја влоши нејзината состојба првенствено поради нејзините години.

Сахалин е остров со околу 500.000 жители, сместен покрај југоисточниот брег на Русија, во Охотското Море, северно од јапонскиот остров Хокаидо. Контролата врз Сахалин била поделена меѓу Советскиот Сојуз и Јапонското Царство на почетокот на 20 век, но Москва ја презела целосната контрола врз островот за време на Втората светска војна.