Браво за малата Калина: Ја даруваше косата за деца болни од рак, во чест и спомен на својата прерано почината тетка

Во еден неверојатен гест на хуманост и емпатија, малите девојчиња ширум земјата одлучуваат да ја даруваат својата коса за изработка на перики за деца кои се борат со канцер. Тоа не е само чин на физичка храброст, туку и на несебична љубов и поддршка.

Иако за нив, косата е нешто што секојдневно ја користат како дел од својот идентитет, тие го покажуваат своето срце и зрелост кога ќе ја даруваат за оние што најмногу им требаат. Децата кои се соочуваат со ракот често се лишени од својата коса поради третманите што ги примаат, што може да доведе до губење на самодовербата и чувството на несигурност. Но, благодарение на малите херои, кои се спремни да ја поделат својата коса, овие деца добиваат нова шанса да се чувствуваат убаво и самоуверено.

Еден од најновите примери за оваа инспиративна хуманост е Калина од Гевгелија, девојче од само седум години, која реши да ја исече својата коса во чест на својата прерано почината тетка и да ја дарува за деца болни од канцер.

„Во чест и спомен на својата прерано почината тетка ја исече косата за дечиња заболени од канцер. Фала ти, Калина!“, напиша познатиот фризер Александар Тошев од Струмица, кој со задоволство ги споделува ваквите хумани потези на малите девојчиња.

Александар често споделува вакви објави со гест на љубов и солидарност кои се пример за сите нас. Малите девојчиња, уште од најмала возраст, знаат како да покажат љубов и грижа за другите, и преку овие мали, но многу значајни потези, тие создаваат мостови на надеж за децата што минуваат низ најтешките моменти во својот живот.

Ова е само еден од многуте примери на храброст и човечност која ни дава надеж за иднината.

Фото: Фејсбук