„Брзаат на олтар“: Македонките се мажат најмлади во споредба со жените од другите европски земји
Според податоците на Евростат, средната возраст при стапување во прв брак во европските земји изнесува 30,7 години за жените и 33,1 година за мажите.
Возраста варира не само меѓу региони, туку и меѓу половите.
Во 2022 година, жените во сите европски земји се мажеле во просек на помлада возраст од мажите. Најголема родова разлика е забележана во Романија – околу 3 години разлика, каде мажите влегуваат во брак со 31,2, а жените со 28 години.
На врвот на листата е Шпанија, каде жените првпат стапуваат во брак на 34,7 години, а мажите на 36,8.
На дното е Турција, каде просечната возраст за жените е 25,6, а за мажите 28,3 години.
Што се однесува до Македонија, таа е една од четирите земји кои се наоѓаат на дното на табелата според возрасната граница за стапување во прв брак – жените се мажат во просек на 26,6.
Има и четири земји каде жените се мажат значително порано од европскиот просек:
- Украина (24,9 години)
- Белорусија (25,1)
- Турција (25,2)
- Македонија (26,6 години)
Интересен е трендот што покажува дека во поголем дел од европските земји, жените имаат 30 или повеќе години кога првпат влегуваат во брак – особено во Шведска (34,8), Шпанија (34,7) и Норвешка (34,1). Колку подалеку на запад, толку е повисока просечната возраст.
М.С.К
