Царица - Анета Љумаковска докажа дека после бура доаѓа сонце: Сега е поубава од било кога
Пејачката Анета Љумаковска, позната како препознатливо лице од групата „Молика“, изненади многумина со својот целосно нов имиџ, откако неодамна објави дека се разделува и од музичката група, но и од својот сопруг.
Со својата најнова појава, Анета јасно покажа дека влегува во ново животно поглавје – посилна, посвежа и посамоуверена од кога било.
Пејачката се појави со драстично скратена коса, која е свежо бојадисана во посветол, модерен тон, а новата фризура дополнително го истакна нејзиното лице. Гламурозната шминка и впечатливиот кожен фустан со длабоко деколте беа деталите што го привлекоа целото внимание – и на јавноста и на медиумите.
Коментарите не изостанаа. Социјалните мрежи се преплавени со пофални зборови за нејзиниот нов изглед. „Се препороди“, „Изгледа неверојатно“, „Разводот ѝ годи“ – се само дел од реакциите на нејзините следбеници и обожаватели.
Многумина истакнуваат дека промената на Анета е повеќе од само физичка – таа зрачи со нова енергија и самодоверба.
