Цените во Грција, овој викенд „живо џабе“: Мит е дека оваа сезона е скапа
Иако често се шпекулира дека летувањето во Грција е скапо, реалноста на терен покажува поинаква слика.
На Халкидики постојат места каде цените се повеќе од пристојни, дури и за семејни одмори со ограничен буџет.
Викендов, на бројни плажи можете да уживате во кафе по стандардна цена, со кое добивате гратис флаширана вода, бесплатна лежалка без временско ограничување и бесплатен Wi-Fi – услови што ретко се среќаваат во други туристички дестинации.
Во маркетите, водата е значително поевтина отколку во Македонија, особено кога се купува во пакети. Цените на другите прехранбени производи се слични, а некои овошја и зеленчуци се дури и поевтини.
Кога станува збор за сместување, се нудат апартмани по цена од само 15 евра на вечер. Тие се целосно опремени со кујна, што овозможува самостојно готвење и дополнителна заштеда.
Летување во Грција може да биде и поволно – потребно е само малку истражување.
