Денеска го празнуваме св. Јоаким Осоговски: Од неговите мошти се случувале бројни чуда

Добивај вести на Viber

Свети Јоаким Осоговски, големиот пустиножител и чудотворец, се подвизуваше во втората половина на XI век на Осоговските Планини, во местото наречено Сарандопор.

Таму, во една скромна пештера, тој со постојана молитва, пост и аскетски живот го посвети својот живот на Бога.

По неговото упокојување, споменот за неговата светост не исчезнал. Еден друг подвижник, свештеникот Теодор од Овчеполие, имал видение во сон во кое свети Јоаким му се јавил и го упатил да подигне храм на тоа свето место.

 Теодор се замонашил и со името Теофан го изградил првиот манастир, кој станал духовно и културно средиште на целиот регион.

Од моштите на преподобниот Јоаким низ вековите се случувале многубројни чуда – исцеленија, утеха и помош за сите што со вера му се обраќале.

Денес, манастирот Свети Јоаким Осоговски е едно од најзначајните православни светилишта во Македонија. 

Секоја година, илјадници верници се собираат таму за да го прослават неговиот спомен и да се поклонат пред неговите мошти, барајќи духовна сила, исцеление и благослов.


М.С.К