„ДЕТЕ (3) ПОЧИНА ОД ЖЕШТИНА ВО АВТОМОБИЛ“ Социјална работничка го одзела од таткото - заминала во шопинг и го заборавила заклучен во кола

Добивај вести на Viber

Во вторникот, на 22 јули 2025 година, тригодишното дете Ке'Торијус Старкс Џуниор од Басемер, Алабама (САД), трагично почина откако беше оставено повеќе од пет часа во заклучен автомобил на температура повисока од 40 степени Целзиусови.

Детето било доверено на вработена од јавна установа за заштита на деца, која по средбата со биолошкиот татко, наместо да го врати во градинка, го заборавила во возилото. 

Таа заминала по лични обврски – купувала храна и производи од трафика, а потоа се вратила дома. Детето останало само во автомобилот од 12:30 до 17:30 часот, кога било пронајдено без свест и починало нешто по 18 часот.

Адвокатот на семејството, Кортни Френч, изјави дека ова е најлошиот кошмар за секој родител, додавајќи дека температурата во возилото достигнала и до 68°C, што го направило автомобилот смртоносна стапица.

Одделот за човекови ресурси на Алабама потврди дека вработената веднаш била отпуштена, но не се соопштени дополнителни информации поради доверливост. Локалните власти покренаа истрага, а трагедијата предизвика силни реакции низ целата земја.

Фото извор: Unsplash.com