Искусниот готвач Слободан со совети како киселата зелка да не фаќа красти и да се одржи свежа до пролет
Искусниот белградски готвач Слободан Петровиќ ги сподели своите проверени совети за подготовка на домашна кисела зелка, која може да трае до лето без страв дека ќе се расипе.
Некои успеваат да ја закиселат за само 14 дена, но важни се правилните чекори.
Најдобро време за киселење
Според Петровиќ, зелката е најдобро да се става во буре кон крајот на есента или почетокот на зимата, кога собната температура е околу 20°C. Кога ќе почне да кисели, потребно е просторијата да се олади на 10–15°C за природно да се успори ферментацијата.
Однос на сол и зелка
За добар резултат се користат 3–3,5% сол од тежината на зелката. На пример, за 100 килограми зелка потребни се околу 3 до 3,5 килограми сол. „Не треба ништо друго освен зелка, сол и вода“, нагласува готвачот.
Процес на киселење
Зелката најпрво се остава еден до два дена да пушти вишок вода. Се чистат надворешните листови и се издлабува коренот, каде се сипува сол. Главиците се редат во буре кое се затвора, а следниот ден се додава вода со остатокот од солта.
Важно е зелката постојано да биде покриена со вода. На почеток, течноста од вентилот се испушта и враќа секој ден за да има рамномерна ферментација, а потоа поретко. Ако киселеењето е на висока температура, може да се додаде винобран за запирање на процесот.
Чување и избор на буре
Бурето треба да стои во подрум или ладна просторија, без сончева светлина. Петровиќ користи пластични буриња, бидејќи според HACCP стандардите дрвените не се препорачуваат во професионални кујни.
Со овие правила, домашната кисела зелка останува свежа и вкусна со месеци.
Извор: still.kurir.rs / Freepik
*Дознајте сè за случувањата во шоу бизнисот, бидете во тек со темите за животен стил и мода. Пријавете се во нашата Вибер група
