„Колку струја дневно трошиме на клима“: Дали треба да работи непрекинато, а еве која температура е најдобра за нашето здравје
По дождливата пролет, се наоѓаме во екот на топлотен бран и конечно ги вклучивме клима уредите за разладување. Сепак, честопати се претерува со ладење, па климата постојано се пали и гаси, што не е препорачливо.
Според мајсторите за клима уреди, најдобро е уредот да работи непрекинато, поставен на оптимална температура – околу 26 степени. Така се постигнува ефикасно ладење без дополнително оптоварување и зголемени сметки за струја.
Поставување на 16-18 степени е непотребно, бидејќи повеќето уреди не можат да ја достигнат таа температура кога надвор е над 35°C, а компресорот работи со преголем напор.
Климата треба редовно да се чисти – филтрите барем еднаш месечно со топла вода, без детергенси. Внатрешните делови може да се пребришат со влажна крпа. Целосен сервис трае околу еден час.
Иако климатизацијата понекогаш може да предизвика главоболки, алергии и замор, научни истражувања покажуваат дека HVAC системите го олеснуваат опоравувањето кај болнички пациенти и го намалуваат ризикот од смрт, особено кај респираторни заболувања.
Важно е воздухот од климата да не дува директно кон луѓето, туку кон ѕид или таван, за порамномерно разладување. Исто така, треба да се внимава на разликата меѓу внатрешна и надворешна температура, за да се избегне шок за телото.
Извор: Mondo / Freepik
