„Ние патлиџан туристи, за Британциве сме господа“: Вирално видео од група Британци кои спијат на лежалки за некој да не им ги зафати
На реномираниот светски портал Daily Mail се појави видео кое предизвика бројни реакции на Балканот.
На снимката се гледа група туристи од Велика Британија како спијат на лежалки во Грција, со цел да ги зачуваат за следното утро и да обезбедат место на плажа.
Овој потег предизвика лавина коментари, особено од корисници од Балканот кои остро ги осудија ваквите навики. „Ние патлиџан туристи за овие сме господа,“ стоеше во еден од најкоментираните одговори, алудирајќи на тоа дека често балканските туристи се нарекуваат „патлиџан“ во ироничен контекст, но според многумина токму западните гости демонстрираат некултурно однесување.
Сцената дополнително отвори дебата за тоа колку туристичките навики и културата на однесување се разликуваат од земја до земја, а дел од коментарите беа со хумор, но и со сериозни критики за непочитувањето на основните правила на одмор.
Видеото продолжува да кружи по социјалните мрежи, оставајќи впечаток дека борбата за лежалки во лето станува глобален феномен.
М.С.К
