Никако немојте да ставате туршија сега: Ако пoрaните и еден ден - сметајте дека ќе немате зимница!
Есенските денови се време за подготовка на зимница, а за љубителите на туршија, киселата зелка е неизбежна зимска салата на трпезата.
Киселата зелка е вистинска ризница на хранливи материи. Богата е со витамин C, магнезиум, калциум, натриум и холин, а посебно се издвојуваат и пробиотиците кои ја одржуваат здравата бактериска флора и нормалното функционирање на цревата.
Освен правилната подготовка, клучно е и времето кога зелката се кисели. Според советите на поискусните домаќинки, идеалното време е средината на октомври, кога доцните сорти зелка содржат повеќе природни шеќери кои ја поттикнуваат ферментацијата.
Сепак, ако есента е потопла од вообичаено, најдобро е да се почека уште две недели, бидејќи температурата игра огромна улога во успешното киселење.
Процесот на ферментација трае околу четири недели, па така веќе во декември може да се ужива во свежа, сочна и здрава кисела зелка.
Важно е редовно да ја проверувате зимницата – доколку се појави бел слој или постои ризик зелката да се расипе, може да се додаде винобран за да се блокира понатамошното квасење и да се зачува квалитетот.
Така, со малку внимание и трпение, киселата зелка ќе остане свежа и вкусна сè до пролетта.
Извор / Freepik
