Опра за трауматичното детство: Баба ѝ ја камшикувала, со недели ѝ стоеле лузни на телото
Познатата водителка Опра Винфри гостуваше во едно шоу каде што се присети на траумите кои ги проживеала во детството.
Имено, таа израснала во Мисисипи, а трауматичното растење, како и злоставување биле составен дел од нејзиниот живот во тој период.
„Спиев со баба ми, кога во среде ноќ мојот дедо влезе во собата и со рацете почна да ја дави баба ми, а таа врескаше. Го оттргна и побегна од собата, а јас по неа. По оваа случка под кваката ставаше столче, а околу столчето врзуваше неколку лименки и така спиевме секоја ноќ, слушајќи дали конзервите ќе затропаат и што би се случило доколку кваката се помрдне“ - раскажа Опра.
За време на интервјуто водителката се воздржуваше да не заплаче и откри дека и нејзината баба била насилна.
Еднаш Опра носела вода од бунарот и со прстите брцнала во водата. Баба ѝ толку се налутила, па ја камшикувала по грбот, а токму од тие удари Опра со недели имала белези.
„Подоцна кога облеков облека за во црква, ми се отвори една од лузние и ми остави крв на фустанот“ - се присети водителката.
фото: Tanjug/AP
