Ова се Бојана (22) и Јелена (22) кои трагично го изгубија својот живот додека патуваа на одмор

Добивај вести на Viber

Бојана Ќириќ (22) и Јелена Радовановиќ (22) од Лазаревац, Србија, трагично ги загубија животите во страшна сообраќајна несреќа што се случи утрото на 26 јули, околу 9:30 часот, на магистралниот пат Билеќа-Требиње, во местото Чепелица.

Девојките се наоѓале во автомобил марка „Пежо“, кога, од засега непознати причини, возачката изгубила контрола по една кривина, удрила во банкина, а потоа директно се судрила со камион „Мерцедес“ што доаѓал од спротивната насока. 

Ударот бил толку силен што двете починале на лице место, и покрај обидите на лекарите за реанимација. Автомобилот завршил во подножјето на карпа, целосно уништен.

Патот бил покриен со остатоци од возилото и лични предмети на настраданите девојки. Според сведоци, Бојана и Јелена биле возбудени поради патувањето на одмор. Нивната смрт ја потресе цела заедница во Лазаревац.

Во тек е подготовка на документација и обдукција за телата да бидат вратени во Србија, каде ќе бидат погребани.