Ова се моите најмили, можам да ги видам само вака: Медицинска сестра со емотивна фотографија го обиколи светот

Добивај вести на Viber

Џеј Шорт е медицинска сестра. Од претпазливи причини, таа го гледа семејството само преку прозорец со недели, и така ќе биде и во наредните неколку месеци. Ја сподели сликата за да им ја објасни на луѓето тежината на ситуацијата.

- Јас сум на првата борбена линија на пандемиската одбрана. Моето девојче е родено минатата година и се бори со респираторни инфекции уште од раѓање. Бројот на пациенти се зголемува, моите колеги се заразени и постојано сум во контакт со заразените. Поради сето ова, ова е единствениот начин на кој ќе го гледам моето семејство во следните неколку месеци.

Тоа е најтешката одлука што сум ја донела досега. Не сакам да ги оставам, но би било себично од мене да бидам со нив. Ми се крши срцето.

Ги оставам семејството и децата за да можам да одам на работа и да се грижам за другите на кои им треба помош. Ќе го ризикувам сопствениот живот доколку е потребно, но не сакам да го загрозам семејството. Затоа ве молам, ве молам да останете дома. Само следете ги правилата и препораките. Ова не е омдор, луѓе умираат.

Не дај боже некој ваш близок да почине и да се прашувате дали можеби вие сте придонеле за тоа. Седуммина мои колеги веќе починаа. Помогнете ми. Сакам да се вратам кај моите деца, сакам да ги бањам, да ги ставам да спијат, да ги бакнам. И не можам да сторам ништо од ова сè додека не помине ова, и ќе помине ако сите ние ги почитуваме правилата. Животот ми е свртен наопаку, но се жртвувам себеси во корист на сите нас “, вели оваа сестра на Фејсбук.