Овој македонски манастир го споредуваат со Тумане: Бескрајна тишина, мир и прекрасна природа во близина на Скопје
На блага височина, во шумска тишина, во кумановското село Скачковце се наоѓа манастирот „Света Троица“.
Опкружен со зимзелени и листопадни дрвја, овој духовен комплекс нуди вистинско прибежиште од секојдневниот метеж.
Селото Скачковце, лоцирано 15 километри јужно од Куманово, брои околу 160 жители, чии домови се уредени и функционални, што сведочи за живо село со активна заедница. Жителите претежно се занимаваат со земјоделство и сточарство.
Манастирскиот пат е асфалтиран и пристапен, а при влез во комплексот прв објект што ќе ве пречека е конакот, каде посетители често преноќуваат.
Комплексот се простира на околу 20 хектари и изобилува со зеленило, трева и сезонско цвеќе.
И во најжешките летни денови, тука владее свежина благодарение на висината и шумската заштита.
Во средиштето се наоѓа светилиштето, украсено со икони и фрески, веднаш до кое има посебен простор за молитва и палење свеќи.
На централното плато се истакнува бунар, статуи на Богородица и св. Климент Охридски, како и патека која води до чешма со пивка вода и ѕидана скара.
Интересен детаљ е големо „Велигденско јајце“, високо 3 метри, обоено во црвено и украсено со натписот „Христос воскресна – Навистина воскресна“.
Маркантни се и крстот висок околу 12 метри и манастирската кула, опкружени со летниковци изработени од дрво, мермер и железо – секој уникатен по изглед и функција.
Посетителите ги користат летниковците за одмор, оброци и духовно повлекување.
Највпечатлив е железниот летниковец во форма на винова лоза, резервиран за специјални настани.
Она што најмногу ја одвојува оваа света локација од другите е тишината. Во манастирот „Света Троица“ нема урбан шум – само мир, тивки разговори и звуци од природата.
Престојот тука нуди вистинско духовно и ментално ослободување – како да ве обвива тишина што лечи.
Поради природата која го
опкружува манастирот,
често постителите ги асоцира
на манастирот во Тумане.
Фото извор: Википедиа
М.С.К
