Прекрасна случајност: 10 акушерки бремени истовремено во болница во Албанија
Ретка и возбудлива случајност се случи во породилиштето „Кралица Џералдин“ во Тирана: 10 акушерки, кои секојдневно се грижат за мајките и бебињата со посветеност, се бремени во исто време.
Веста ја објави и премиерот Еди Рама, кој го опиша ова како прекрасен и посебен настан.
„Прекрасна случајност: 10 акушерки од породилиштето „Кралица Џералдин“ на исто породилно патување“, напиша Рама на Фејсбук.
Дури и самата официјална веб-страница на болницата ја сподели оваа голема радост со емотивна објава.
„Од рацете што се грижат за животот, до срцата што го држат животот во нив. Во „Кралица Џералдин“, 10 акушерки заедно го доживуваат чудото на бременоста. Оние што секојдневно се грижат за сопругите, мајките и бебињата со најголема посветеност, денес го носат и најголемиот благослов во себе - животот. Редок дар што нè возбудува сите“, се вели на крајот.
Фото: Фејсбук
Извор: Telegrafi.com/
