ПРОДОЛЖУВА ДА СЕ НАМАЛУВА НАСЕЛЕНИЕТО ВО МАКЕДОНИЈА - повторно помалку новороденчиња наспроти умрени лица

Добивај вести на Viber

Природниот прираст и во второто тримесечје од 2025 година e негативен и изнесува минус 1.135 лица. Ова значи дека за толкав број лица е помал помал бројот на живородените деца од  бројот на умрените лица.

Според податоците на Државниот завод за статситика, бројот на живородените деца во вториот квартал е 3.741 и во споредба со истиот перид лани е намален за 4,2 проценти. 

Бројот на умрените лица, пак, во второто тримесечје од 2025 година бележи зголемување од 1,2 отсто во споредба со истото тримесечје од 2024 година и изнесува 4.876 лица, а од нив 13 се умрени доенчиња.

Во ова тримесечје од годината се склучени 2.792 бракови и нивниот број е зголемен за 8,1 отсто во споредба со  истиот период од 2024 година, а регистрирани се 545 разведени бракови, што претставува  зголемување од  0,4 проценти во споредба со истиот период од 2024 година.