Разија Чолаковиќ - муслиманка со хиџаб е најголемиот борец за женски права на Балканот: Овој пат се обрати со моќна порака!
Разија Чолаковиќ, муслиманка која гордо го носи хиџабот и е позната како една од најгласните борки за правата на жените во Босна и Херцеговина, повторно ја инспирира јавноста со силна лична порака објавена на социјалните мрежи.
Во неа, Чолаковиќ отворено зборува за искуствата низ кои поминала и за болката што, како што вели, ја научила да биде поцврста и посамоуверена.
„Сѐ научив сама. Никој не застана зад мене – ни тие кои се колнеа дека ме сакаат. Кога ми требаа, нив ги немаше. Очекував помош, се надевав на поддршка, понекогаш дури и молев… но залудно.
Ме натераа да станам посилна – сама да го носам и доброто и лошото.
Преку болката учев, преку раните растев, преку солзите созреав.Денес можам да им кажам само едно: Благодарам!
Поради вас – никогаш посилна.
Поради сопствената истрајност – никогаш посамоуверена.
Поради трњето во душата – никогаш поодлучна.
Поради раните на срцето – никогаш поразена.
Поради мојата мајка – никогаш подобра.
Никогаш повеќе иста.
Никогаш помалку од себе.
Никогаш поблиску до тоа што сум.“
Со овие зборови, Чолаковиќ упатува порака на охрабрување до сите жени кои минуваат низ тешки животни предизвици.
Таа уште еднаш потврдува дека носењето хиџаб не е пречка, туку симбол на идентитет, достојанство и сила, а нејзината борба – како што нагласува – е „за секоја жена која се чувствува недоволно слушната, недоволно вреднувана и заборавена“.
Во јавноста, Чолаковиќ често говори за женските права, самопочитта и духовноста која, според неа, треба да биде двигател, а не ограничување. Последната објава многумина ја опишаа како „лекција во една страница“ – дека силата постои токму тогаш кога сме најосамени.
РЖМ
