„Ѝ рекле никако секс пред брак“: Ива работи на базен во САД, наеднаш ѝ пристапиле луѓе кои се чудно облечени, ја наговарале да се откаже од својата вера!
Ива Ѓорѓевиќ од Србија, која повремено работи во САД и е активна на социјалните мрежи, сподели искуство кога мормонски мисионери се обиделе да ја врбуваат неа и нејзините колеги.
Таа во моментот работела на базен и прво помислила дека станува збор за Саентолошка црква. „Прашаа дали сакам да одам во црква, одговорив дека работам и не можам. Ме погледнаа чудно, а потоа им пристапија на моите колеги,“ раскажала Ива.
Мисионерите биле во препознатлив изглед – бели кошули, црни панталони и со книги во раце. Разговорот со нејзините колеги траел околу 15 минути, а на крајот им оставиле книги и ги поканиле во недела да присуствуваат на служба. Колегите одбиле.
„Јас потоа проверив и сфатив дека станува збор за мормони. Тие се христијани, имаат правила – без алкохол, цигари, дрога, кафе и секс пред брак. Младите мораат да поминуваат една-две години на мисија и да врбуваат нови верници. Овој пат обидот беше неуспешен,“ објасни Ива.
Мормоните, односно Црквата на Исус Христос на светците од подоцнежните денови (LDS), имаат повеќе од 17 милиони членови ширум светот, најмногу во САД, а раст бележат и во Латинска Америка, Африка и на Пацификот.
На Балканот оваа црква е присутна речиси 50 години, а првпат ја донел кошаркарот Крешимир Ќосиќ. Денес таму е регистрирана како верска заедница, чијашто пракса вклучува и давање на десет проценти од приходите на членовите кон црквата.
Извор: kurir.rs
