Сѐ потешко ќе биде да се бањаме во море: Наезда на сини морски суштества поради кои се затвораат плажи низ Европа
Ретки и визуелно впечатливи морски суштества, познати како сини змејови, се појавија долж брегот на Шпанија и предизвикаа затворање на популарни плажи.
Овие морски полжави носат отров доволно силен за да предизвика болни реакции кај луѓето.
Нивната отровност потекнува од начинот на исхрана – сините змејови се хранат со други отровни видови, како португалската медуза , чии отровни клетки ги складираат во своите пипалести израстоци.
При контакт со човечка кожа, тие клетки можат да предизвикаат симптоми слични на убод од португалска галерија: интензивна болка, црвенило, воспаление, мачнина, повраќање, па дури и акутни алергиски реакции.
Предупредување и затворање на плажи
Поради безбедноста на капачите кои можеби не се свесни за опасноста, градоначалникот на Гуардамар дел Сегура, Хозе Луис Саес, нареди истакнување на црвено знаме и забрана за капење сè додека „синатa флота“ не се повлече од крајбрежјето.
Неколку дена по првото појавување, на 24 август, Саес објави на Фејсбук дека сините змејови и понатаму се појавуваат на плажите, „секој пат во сè поголем број и почесто“.
Локалната полиција издаде предупредување до граѓаните и туристите да не ги допираат овие суштества, бидејќи можат да предизвикаат болни изгореници.
Интересни факти за сините змејови
Интересно е што дури и меѓусебно, сините змејови мора да бидат внимателни. За време на парење, овие хермафродити се допираат само со делови од телото кои не содржат отровни клетки – што нивниот ритуал го прави мошне напнат.
Не е сосема јасно зошто овие суштества се појавиле на шпанските брегови, далеку од нивните вообичаени тропски живеалишта. Бидејќи се движат со топлите морски струи, научниците претпоставуваат дека климатските промени можат да имаат клучна улога во оваа необична појава.
Извор (М.С.К)
