Со Чкаља приватно не се поднесувале, го мрзел Тито, се тепал пред снимања со колегите, пишувал поезија: Објавени детали од животот на Павле „камионџијата“

Добивај вести на Viber

Павле Вуисиќ, бардот на југословенската сцена, беше познат по својата силна појава и скромен приватен живот. 

Сведок на неговиот карактер и љубовниот живот била неговата сопруга Мирјана Вуисиќ, која до последниот ден останала покрај него. 

Таа раскажа дека Павле ја фасцинирал со својата сериозност и внимателно слушање, а нивната љубов започнала полека, во едно дружење пред Белата палата.

Иако колегите понекогаш ја критикувале Мирјана поради тоа што била со него, таа ја одбрала љубовта и станала секретарка на режија, следејќи ги советите на Павле.

 Живееле во неговиот дом заедно со неговите родители, брат и сестра, а Мирјана се сложувала добро со сите, откривајќи детали од неговото детство – немирно дете кое лесно станувало „алфа-мажјак“ каде и да се појавел.

Вуисиќ бил познат по својата сила и храброст, па дури и се тепал со колегата Мија Алексиќ, но кога камерите ќе се вклучеле, секогаш бил професионалец. Иако снимил 177 улоги, приватно не ја сакал глумата и снимал само за да обезбеди удобен живот за семејството.

Павле бил симбол на комунистичките филмови, но приватно го презирал комунизмот и Јосип Броз Тито. И покрај тоа, претседателот и Јованка го обожувале. Еднаш дури бил киднапиран од службите за безбедност и доведен во Белата палата во гаќи и маица, што го налутило и го покажало неговиот тврд карактер.

Познат е и неговиот однос со Миодраг Петровиќ Чкаља. Иако на екран создадоа незаборавни сцени како најдобри пријатели во серијалот „Камионџии“, во приватноста не се поднесувале. Сепак, Вуисиќ секогаш се грижел Чкаља да добие иста плата како него, без разлика на личните чувства.

Зад строгото лице и широките раменици на Павле се криела поетска и нежна душа. Тој често ги запишувал своите мисли и песни на салфетки, сметки и други импровизирани листови, а Мирјана ги чувала како најголемо богатство. И покрај неговата тврдоглавост и понекогаш грубост, љубовта, талентот и храброста на Павле Вуисиќ остануваат вечен дел од домашната кинематографија.