ВНИМАВАЈТЕ! Јасмина ја каснал крлеж, а сега животот ѝ е кошмар: Телото ѝ е уништено, третманот чини илјадници евра

Добивај вести на Viber

Сè започна како едноставна пролетна прошетка во мај 2020 година во близина на Штокер, Австрија. Јасмина, сега 32-годишна мајка на две деца, доживеала убод од крлеж што ѝ го променил животот засекогаш. Немаше црвенило, немаше симптоми - сè до девет месеци подоцна, кога почнаа првите знаци на парализа.

Мултисистемска инфекција го опустоши телото

Лекарите ѝ дијагностицираа мултисистемска инфекција. Покрај Лајмската болест (борелиоза), тестовите покажаа присуство на Babesia и Bartonella - ретки, но опасни микроорганизми што се пренесуваат преку крлежи.

Симптомите се влошија: вкочанетост на мускулите, пецкање, несоница, губење на координацијата, болки во зглобовите, ментална конфузија, проблеми со видот и говорот, па дури и делумна парализа.

Неподвижна, живот во кревет

Денес, Јасмина е 100% неподвижна и целосно зависна од туѓа грижа. Не може да ги движи нозете, лежи цел ден, а единственото нешто што сè уште го користи е десната рака - и тоа само за хранење.

„Болката е постојана. Зглобовите ми се нестабилни, развив деформитети на стапалата. Телото ми се распаѓа“, сведочи таа.

Семејството е на работ на силата

Нејзиниот сопруг се грижи за неа додека работи со полно работно време. Терапии, антибиотици, физиотерапија и инфузии - сето тоа се трошоци што семејството повеќе не може само да ги покрие. Една инфузија чини 1.300 евра, а за терапија им се потребни повеќе од 2.000 евра месечно.

Државата и го сврте грбот

Јасмина повеќе не прима социјална помош, не прима инвалидска пензија, а правото на рехабилитација ѝ беше одземено сè додека не ја тужеше државата. Ѝ било доделено само право на нега од прв степен, кое изнесува само 200 евра месечно.

„Се бориме, но финансиски не можеме повеќе да го издржиме тоа“, вели Јасмина. „Државата целосно нè занемари.“

Мајката не се откажува за своите деца

Нејзината најголема сила се нејзините деца - нејзината ќерка има 8, а нејзиниот син има 11 години.

„Не можам да се откажам. Морам да се држам за нив. Да се борам за нив.“