Залудно ја купувате: Зелка полна со канцерогени материи може да ви ја уништи зимницата - еве како да изберете здрава!
Со доаѓањето на есента започнува сезоната на подготовка на зимница, а киселата зелка е неизбежен дел од менито.
Но, при изборот треба да се внимава – не секоја зелка е подеднакво здрава. Некои главици содржат високо ниво на нитрати, соединенија што потекнуваат од ѓубрива и се присутни во месо, овошје и зеленчук.
Во организмот, нитратите се претвораат во нитрити, кои пак можат да создадат нитрозамини – штетни и канцерогени материи. Сепак, не се секогаш опасни, бидејќи одредени количини помагаат во регулирањето на крвниот притисок и здравјето на срцето.
Кај младата зелка, најмногу нитрати има во коренот и во надворешните листови, а најмалку во средината на главицата. Затоа се препорачува да се отфрли коренот и површинските листови, без разлика дали зелката е за киселење, чорба или салата.
Како да препознаете здрава зелка?
-
Изглед: главицата треба да е цврста и тешка за својата големина, со свежи, хрскави листови без дамки.
-
Мирис: свежата зелка има благ, сладникав мирис; силен или непријатен мирис укажува на презрелост или пропаѓање.
-
Тежина: свежата зелка содржи повеќе вода и е потешка.
-
Текстура: листовите треба да се крцкави, а не увенати и гумени.
Според Medical News Today, дозволениот дневен внес на нитрати е до 3,7 mg по килограм телесна маса, што е околу 260 mg за возрасен од 70 кг.
Со внимателен избор и правилна подготовка, киселата зелка останува вистинска ризница на хранливи материи и основа за бројни јадења во текот на зимата.
Извор / Freepik
