„Жени кои изневеруваат со кого стигнат“ се „жртви“ на овие пет клучни психолошки промени
Иако мотивите за машка невера со години се темелно анализирани од психолошки, еволутивни и лични аспекти, женската прељуба останала значително помалку истражена и често опкружена со предрасуди.
Истражување објавено во списанието Evolution and Human Behavior, пренесено од Psychology Today, фрла ново светло на оваа тема и идентификува пет најчести причини поради кои жените се одлучуваат да го изневеруваат својот партнер.
1. Врската веќе не им носи исполнетост
Најчестиот мотив е незадоволството од врската или бракот – дури 64,7% од испитаничките го навеле овој фактор.
Многу жени изјавиле дека се чувствувале емоционално запоставено и без поддршка, па утехата ја барале надвор од врската. Интересно е што само 30,4% од мажите го навеле истиот мотив.
2. Се чувствуваат занемарени и непосакувани
Околу 22,4% од жените изневериле затоа што партнерот веќе не покажувал интерес за нив. Во споредба, само 5,1% од мажите го навеле овој мотив.
Жените почесто го поврзуваат недостатокот на внимание и емоционална видливост со потреба да бараат потврда на друго место.
3. Невера од одмазда
Околу 15,5% од жените го направиле тоа за одмазда – најчесто откако дознале дека партнерот веќе ги изневерил.
Само 2,9% од мажите го навеле истиот мотив, што значи дека жените пет пати почесто се склони кон „одмаздничка“ прељуба.
4. Незадоволство од сексуалниот живот
Сексуалната фрустрација е причина за 8,6% од жените, а процентот е сличен и кај мажите (9,4%). За многумина, физичката страст и сексуалната компатибилност се клучни за среќна врска.
5. Од досада
Околу 7,8% од жените изневериле поради досада, а 5,2% – поради потреба за нови доживувања. Иако мажите имаат сличен процент за досада (5,8%), тие се речиси двојно посклони да бараат новина (10,9%).
Истражувањето покажува дека кај жените, исто како и кај мажите, постои импулс за промена и возбудување, особено кога врската станува предвидлива и монотона.
