Домашни состојки за темелно чистење на машината за перење: Алиштата ќе ви мирисаат поубаво, а машината нема да се расипува
Ако ви се случило вашите алишта да имаат непријатен, мувлосан мирис и покрај тоа што се штотуку испрани, време е да ѝ посветите внимание на самата машина за перење.
Остатоци од детергент, влага и нечистотија со текот на времето можат да создадат лоша миризба и бактерии во внатрешноста на машината.
Но, наместо скапи хемиски средства, постои еден испитан и евтин трик што го користеле домаќинките од старо време. Сè што ви треба се сода бикарбона и алкохолен оцет – производи кои веројатно веќе ги имате дома. Целиот третман чини помалку од 100 денари, а ефектот ќе ве изненади.
Како да го направите тоа?
-
Во барабанот на машината сипете половина шолја сода бикарбона.
-
Во преградата за детергент налејте околу 2 дл алкохолен оцет.
-
Изберете програма со висока температура (60°C или повеќе) и пуштете ја машината празна.
Овој процес ќе ги отстрани талозите, ќе ги неутрализира бактериите и ќе ја освежи машината за перење одвнатре. Повторувајте го ова на секои 4-6 недели, особено ако често перете со пониски температури.
Зошто ова функционира?
-
Содата бикарбона ги неутрализира миризбите и делува како благ абразив.
-
Оцетот делува антибактериски и го раствара каменецот и масните наслаги.
Оваа комбинација е природна, не го оштетува уредот и е еколошка алтернатива на комерцијалните средства.
М.С.К
