Ќерка е на овие актерски легенди: Го следи патот на своите родители, ѝ предвидуваат блескава актерска кариера - ЈА ПРЕПОЗНАВАТЕ ЛИ?
На македонската театарска сцена сѐ почесто се слуша името Нела Павловска – млада актерка која со својата појава, емоција и талент ја освојува и публиката и критиката. Таа не е само уште едно ново лице во уметничкиот свет, туку ќерка на две вистински актерски легенди: Тања Кочовска и Предраг Павловски.
Растена во театарски амбиент, Нела уште од мали нозе ги чувствуваше рефлекторите, зад сцената, гледајќи ги своите родители како мајсторски се претопуваат во улоги и оставаат траги во македонската драмска уметност. Но денес, Нела не е само „ќерката на...“ – таа е актерка во подем која веќе чекори самоуверено по сценскиот пат што самата го избра, следејќи ги стапките на нејзините родители, но и градејќи сопствена, автентична уметничка визија.
Со своите улоги на театарските даски, но и во телевизиски и филмски проекти, Нела докажува дека поседува редок спој на талент, посветеност и емотивна длабочина. Нејзините изведби се интензивни, искрени и оставaат силен впечаток. Театарските познавачи веќе ѝ предвидуваат блескава иднина, а многумина ја нарекуваат „новата ѕвезда на македонската глума“.
Она што ја прави Нела посебна е нејзината скромност и сериозниот однос кон професијата. Таа не се потпира на славата на своето семејство, туку упорно работи, учи и се развива. Во неа се препознава страста што ја имаа Тања Кочовска и Предраг Павловски на почетоците – но и нешто свое, нешто ново, кое носи свежина на домашната сцена.
М.С.К
