Пораката што ја остави ги направи Македонците горди домаќини: На денот на роденденот на Југославија Ален Славица го посети Скопје

Еден од најпознатите рокери на поранешната југословенска сцена, Ален Славица, викендов престојуваше во Скопје и предизвика големо внимание меѓу своите бројни обожаватели од Македонија. 

Пејачот, кој остави длабока трага на музичката сцена во 80-тите и 90-тите години, на својот профил на социјалните мрежи објави фотографија пред споменикот на Мајка Тереза – симболот на хуманоста и добрината, родена токму во главниот град.

Во описот на фотографијата Славица напиша едноставно, но топло: „Поздрав од Скопје“. За кратко време објавата собра стотици лајкови и коментари, во кои фановите изразуваа воодушевување од неговата посета.

 „Добредојде во Скопје, легендо!“, „Твоите песни се дел од нашето детство“ и „Почестени сме што си тука“ беа само дел од пораките што ги оставија неговите следбеници.

Посетата на Славица во Скопје за многумина е потсетник на златното време на рок музиката во регионот, кога неговите хитови беа дел од секој радиобран.

 Со својот препознатлив шарм и позитивна енергија, музичарот уште еднаш потврди дека врската помеѓу генерациите и народите на поранешна Југославија сè уште живее преку музиката.