Родителите ја напуштија затоа што била различна: Денес, токму различноста и донесе слава (ФОТО)
Фото: Инстаграм/xueli_a
Шуели Ебинг, тинејџерка од Кина, родителите по породувањето
ја оставиле пред
сиропиталиштето, бидејќи изгледала
поразлично од другите. Имено, ова 16-годишно дете е родено со албинизам -
наследно нарушување на производството на меланин, што предизвикува дифузна
хипопигментација на кожата, очите и косата.
Кога имала три години, била посвоена од семејство од Холандија, кое и овозможило мирно и среќно детство, а на 11-годишна возраст Шуели ги отвори вратите кон светот на моделството.
За само пет години, таа успеа да се појави на страниците на списанието „Вог“, а соработуваше и со бројни познати модни брендови и фотографи. Со својот уникатен изглед, таа ја подигнува свеста за албинизмот и ги охрабрува оние кои се како неа да бидат охрабрени и да ја прифатат нивната природна убавина.
- Се повеќе има модели со попреченост и оние кои имаат необичен изглед. Во светот на моделирањето, да се изгледа поинаку е благослов, а не клетва - вели Шуели, која моментално работи во агенција и се обидува да ја смени модната, рекламната и медиумската индустрија, така што нејзините кампањи се разновидни како и друштвото.
- Луѓето би можеле да ви кажат дека не можете да направите нешто, но можете, само пробајте - вели оваа млада, инспиративна девојка.
Moжеби ќе ве интересира:
Порцеланска убавина: Серијал фотографии на луѓе со албинизам промовира љубов кон сопственото тело
